Բաց հրավեր Արտակարգ իրավիճակների դպրոց

Արտակարգ իրավիճակների դպրոցը՝ Երևանի Ժամանակակից Արվեստի Ինստիտուտում

Արտակարգ իրավիճակների բառարան

Մասնակցության բաց հրավեր

 

Հեշտ սովորելու և դժվար հետ սովորելու ժամանակը.

1-ին մոդուլ, նոյեմբերի 6-12-ը                                                                                                                             

Աշխատանքային ժամերը 14-00-ից մինչև երեկո։

Դասերից առաջ ճաշը տրամադրվում է ամեն օր, ժամը՝ 13-00-ին

2-րդ մոդուլ, դեկտեմբերի 4-16-ը

Դասացուցակը կհստակեցվի ավելի ուշ։

 

Նախագծի համադրողներ.

Ռուբեն Արևշատյան (ԺԱԻ), Նազարեթ Կարոյան (ԺԱԻ), Ազար Մահմուդյան (Թեհրան/Բեռլին) և Դմիտրի Վիլենսկի (Chto Delat International)

Դպրոցի մենթորներ՝ Նինա Գաստևա, Նիկոլայ Օլեյնիկով, Ցապլյա Օլգա Եգորովա և Ալեքսանդր Սկիդան ( Chto Delat International)

Հրավիրված դասախոսներ՝ Քեթի Չուխրով, Վիգեն Գալստյան, Ռենե Գաբրի և Այրին Անաստաս, Ռոժդա Թուղրուլ

 

Հրավիրում ենք մասնակցելու այս կրթական նախաձեռնությանը։

Աշխատանքային լեզուներ՝ անգլերեն, հայերեն, ռուսերեն և այլ լեզուների ներառումը ողջունելի է։

Այս կրթական նախագիծն իրականացվում է Ռոզա Լյուքսեմբուրգ հիմնադրամի, Chto Delat փոխօգնության հիմնադրամի և JHM հիմնադրամի կողմից հովանավորվող՝ Ժամանակակից Արվեստի Ինստիտուտի աջակցությամբ

 

Համատեքստ

Chto Delat International-ի նախաձեռնած Արտակարգ իրավիճակների դպրոցը արվեստագետների, գրողների, հետազոտողների և ակտիվիստների համար անդրբնագավառային և անդրտեղային դպրոց է, որը զբաղվում է աղետների և գոյատևման, արտակարգ իրավիճակների և հրաշքների, վերջին ժամանակների և նոր ազգակցությունների թեմաներով: Այս կրթական ծրագիրը մեկնարկել է ի պատասխան 2022 թվականին բռնկված ռուս-ուկրաինական լայնամասշտաբ պատերազմին և այն նաև վերաբերում է ծավալվող համընդգրկուն ճգնաժամին, որն իր ազդեցությունը թողնում մեր կյանքի բոլոր ոլորտների վրա:

Դպրոցը Երևանում անց է կացվում Հայաստանի և տարածաշրջանի համար դեռևս անհասկանալի հետևանքներով հղի՝ Արցախում տեղի ունեցող մարդասիրական աղետի հետնախորքին, ներկայիս ողբերգական պահին դառնալով հայ ժողովրդին ուղղված համերաշխության արտահայտություն։

Երևանի դպրոցը կկառուցվի հավաքական ուսուցման և արարման ինտեսիվ և կենսալից գործընթացի շուրջ: Բոլորը միասին՝ դպրոցի մասնակիցները, համադրողները, մենթորները և հրավիրված դասախոսները փնտրելու են արվեստային նոր լեզու, որն ունակ կլինի մեկնելու օրօրի անհեթեթ ու դաժան դարձող աշխարհի իրավիճակը։

Այս անգամ դպրոցի ծրագիրը կմշակի ուսուցողական խաղի* սցենարը՝ հիմնվելով արտակարգ իրավիճակների ընդհանրական բառարանի կազմման ընթացքի վրա։ Մենք նախատեսում ենք կիրառել բազմաթիվ լեզուներով և թարգմանություններով տեքստ գրելու հավաքական պրակտիկա՝ օգտագործելով ստվերների թատրոնին հատուկ մեթոդը, և դպրոցի բոլոր մասնակիցներին խրախուսելու ենք համամասնակիցը դառնալ խմբային ցուցահանդեսի, որը կիրականացվի և կզարգանա դպրոցի ծրագրին զուգընթաց:

 

Ի՞նչ կարող եք սովորել այս ծրագրում:

- ստեղծել արվեստ՝ գտնվելով կոլեկտիվ փոխազդեցության մեջ,

- մենթորների և համադրողների հետ մշակել ձեր ցուցահանդեսային նախագիծը և ցուցադրել այն Ժամանակակից Արվեստի Ինստիտուտում 2023 թվականի դեկտեմբերին,

- բաց լինել իմպրովիզացիայի համար,

- խորանալ էկոլոգիայի, նորոգման և աղետների փիլիսոփայության և շատ ավելի պատմությունների և տարբեր խոսույթների մեջ,

- զարգացնել ձեր կատարողական հմտությունները և հասկանալ ձեր մարմնի ունակությունները,

- զարգացնել ձեր գրելու հմտությունները` ծանոթանալով թեմայի վերաբերյալ բառապաշարին,

- կիսել տարածք, ժամանակ, հաց և գինի. ներգրավվել փերֆորմանսի ստեղծմանը՝ փորձառու և ճանաչված ռեժիսորի և պարուսույցի մասնակցությամբ

+++++

Դիմել կարող եք մինչև հոկտեմբերի 30-ը՝ լրացնելով հայտն այստեղ՝

Նոյեմբերին և դեկտեմբերին կայանալիք երկու մոդուլներին մասնակցելը պարտադիր է։

Մասնակցիների ընտրությունը կկատարվի միջազգային համադրողների խմբի կողմից։ Ծրագրին, ցավոք, կարող է մասնակցել ընդամենը 21 հոգի, սակայն դպրոցի ընդլայնված հանրային ծրագիրը բաց կլինի բոլորի համար։

++++

*Ուսուցողկան խաղի մեթոդի մասին.

Ուսուցողական խաղի մեթոդը բխում է  “Lehrstücke”-ի պրակտիկայից, որի տեսական հիմքերը դրել է Բերտոլդ Բրեխտը, և հետագայում այն զարգացում է ապրել ֆորումային թատրոնի տարբեր պրակտիկաներում։ Այս մեթոդը հիմնված է երկխոսության մեջ դիրքավորվելու և որոշակի խնդիրներին վերաբերող այլ դիրքորոշումների հետ հակադրության մեջ մտնելուն: Առաջարկում ենք նաև, միտքն արտահայտելու համար չհիմնվել միայն բանավոր խոսքի վրա, այլ փորձել ներկայացնել սեփական դիրքորոշումը մարմնի լեզվի, շարժումների և այլոց մարմինների հետ փոխազդեցությունների միջոցով։ Մենք նաև առաջարկում ենք, որ դպրոցի մասնակիցները կարողանան ստեղծել իրենց բառապաշարը ChatGPT արհեստական ​​ինտելեկտի ծրագրի հետ քննադատական ​​փոխազդեցությամբ: